مقتطفات من ديوان البصمات: الباب

الباب
الباب متوارب
زقه برجليك وادخل
شيل على قد ما تقدر
كل الدواليب مفتوحة ...
كل المفاتيح خربانة
ومحدش فى البيت حيقولك رايح فين ...
ما تفرقش رخيص أو غالى
وماتفرقش تقيل وخفيف
حمل ... شيل ...
امسح طين الجزمة على السجاد
طلع أكل من التلاجه
واطفى سيجارتك على جلد إللى يقابلك
أوعى تخاف من حاجه ...
كله مبحلق فى الصور إللى بتتحرك ببراعه
متخدر جوه عينيهم حلم مفرهص
جرب تخطف روحهم ...
وإوعى تفكر تهرب
إرجع تانى ... وتالت
حتلاقى عينيهم لسه بتتفرج ...
ــــــــــــــــــــ